Инха их сургууль нь 1954 оны 4 сард БНСУ-ын техник, технологийн хөгжилд хувь нэмэр оруулж дорнын MIT-тай дүйцэхүйц мэдлэг олгох зорилготойгоор анх үүсгэн байгуулагдсан. Тус сургууль нь 2006 онд боловсролын үнэлгээний төвөөс “Шилдэг их сургууль”-аар шалгарсан, 6 жил дараалан (2004~2009) дотоодын их сургуулиудын дунд Top 10-т шалгарч байсан нэр хүндтэй сургууль. Мөн 5 жил дараалан ажлын байрны баталгаагаар Top 5-т, БНСУ-ын их дээд сургуулиудын үнэлгээгээр 8-р байрыг эзэлдэг шилдэг сургууль юм.