Сөүлийн их сургууль нь анх 1946 онд 10 институтийг нэгтгэж үүсгэсэн бөгөөд Солонгосын анхны үндэсний их сургууль гэдгээрээ алдартай билээ. Мөн олон шилдэг залуусыг төрүүлдэг төдийгүй Солонгосын хамгийн шилдэг 100 компанийн дөрөвний нэг нь SNU-г төгссөн хүмүүс удирддаг аж. Түүнчлэн төгсөгчдийн ажил эрхлэлтийн үзүүлэлт болон оюутан, төгсөгч хоорондын харилцаа холбоо өндөр хэмжээнд байдаг. (Тэнгэрийн гурван их сургуулийн нэг)

Одоогийн байдлаар Дэлхийд 36-д жагсаж байгаа бөгөөд 41 салбар, чиглэлийн мэргэжлээрээ шилдгүүдийн дунд багтжээ. Тухайлбал хими, эм зүй, механик инженерчлэл, спортын чиглэлийн мэргэжлүүд багтах гэнэ. Мөн 58 орны нийт 289 их сургуулиудтай хамтарч олон улсын судалгаа, шинжилгээ хийдэг гэдгээрээ алдартай.