Сүншил их сургууль нь Өмнөд Солонгосын Сөүл хотын шилдэг хувийн их сургуулиудын нэг юм. Тус сургууль нь Солонгосын анхны их сургууль гэгддэг бөгөөд 1897 онд Америкийн номлогч В.М.Бэрд Пён Ян дахь оршин суугаа газраасаа багшилж эхэлсэн нь одоогийн энэ сургуулийн үндэс суурийг тавьжээ. Хожим нь Японы эзлэн түрэмгийлэлд өртөж, Солонгос бүрэн эрхт байдлаа алдахад Сүншил их сургууль үндэсний либералчлалыг нэн тэргүүний зорилт болгож, үндэсний тусгаар тогтнолын хөдөлгөөнийг манлайлсан юм. 1938 онд Японы сүм хийдүүдэд албадан мөргөл үйлдэхийг эсэргүүцсэн учраас тус сургуулийг хаахаар шийдэж ч байсан байна. Солонгосын үймээн самуунтай түүхийн туршид Сүншил үргэлж нэгдүгээрт орохыг эрмэлзсээр ирсэн билээ.